Beulah en Fiellies is al dekades lank saam, maar het onlangs besluit dat hulle tog maar die knoop wil deurhaak. Hulle het ‘n klein intieme troue beplan met net hul heel naaste familie as gaste, maar Beulah se kollegas by Stellenbosch Universiteit met wie sy al jare lank saamwerk het op eie insisiatief ‘n onthaal in die kleine gereël na die seremonie om die vreugdevolle geleentheid te vier. Dis duidelik dat die twee spesiale mense net hartsvriende maak so ver as wat hulle gaan. Beulah het al voor die troue vir my gesê sy is mal oor swart en wit foto’s, maar haar rooi skoenepas, die pragtige blomme en diepblou rokke van die strooimeisies en al die ander ryk en warm kleure op hierdie helder sonnige dag pas so perfek by borrelende persoonlikheid en lus vir die lewe dat dit vir my moeilik was om die kleur weg te vat. Ek wens julle twee nog baie kleurryke en vreugdevolle jare saam en is dankbaar dat ek julle kon ontmoet en die spesiale dag saam met julle kon deel. Geniet die foto’s!
Leave A Comment