Monthly Archives: December 2012

Die Boezaarts is vriende wat ons geweldig na aan die hart lê - al vir baie jare. Ek en Johke was saam op hoërskool en vir Ted het ek en my man, Danie, een dag op 'n rotsklim uitstappie ontmoet, lank voor hy en Johke mekaar ontmoet het. Ted en Danie het ook vir 'n ruk lank vir dieselfde maatskappy in Amerika gewerk en daar in die vreemde het die goeie vriende vir ons soos familie geword. Ons is al amper 4 jaar weer terug in SA, maar die Boezaarts woon nogsteeds in Atlanta. Ek was dus geweldig opgewonde toe hulle sê hulle wil foto's laat neem tydens hul volgende kuier in SA, want dit sou beteken ek kan bietjie ekstra tyd saam met hulle spandeer! Dis altyd moeilik om almal en alles in te pas as mens net 3 weke het, so die feit dat ek rustig 'n hele [...]

Toe Taria my die eerste keer kontak om 'n kwotasie te kry vir 'n fotosessie het die openhartige wyse waarmee sy haar sussie se storie met my gedeel het my diep geraak en ek het dadelik geweet, die shoot MOET ek doen. Brune is verlede jaar gediagnoseer met 'n baie raar, maar aggresiewe borskanker en moes dadelik 'n dubbele mastektomie ondergaan. Taria wou graag nadat Brune die rekonstruksie gehad het "mooi foto's van ons twee laat neem om haar te wys dat sy nog net so stunning en beautiful is soos altyd - indien nie meer nie. Haar behandeling is baie hard op haar en ek wil iets special vir haar doen. Alhoewel sy nog vir 5 jaar behandeling gaan kry sal die rekonstruksie 'n "mylpaal" vir haar wees. Ons is van kleintyd af baie close en praat elke liewe dag met mekaar op skype (sy bly in Windhoek)". Vanaf [...]

Inandi was saam met my op Hoërskool en ek was so opgewonde toe sy my kontak vir familie foto's. Dis altyd vir my 'n baie groot voorreg om vriende af te neem, veral as mens mekaar so lanklaas gesien het! Sy het intussen twee pragtige kindertjies ryker geword en hulle was 'n fees om af te neem! Altwee was stroopsoet dwarsdeur die hele fotosessie. Selfs klein Lisa het vrolik gebly tot die einde al is laat middag gewoonlik nie 'n goeie tyd vir babas nie. Baie dankie vir die geleentheid om julle af te neem, ek het die middag saam met julle sommer baie geniet!